જાગીને જોઉં તો જગત દીસે નહિ,
ઊંઘમાં અટપટા ભોગ ભાસે;
ચિત્ત ચૈતન્ય વિલાસ તદ્રુપ છે,
બ્રહ્મ લટકાં કરે બ્રહ્મ પાસે … જાગીને

પંચ મહાભૂત પરબ્રહ્મ વિશે ઉપજ્યાં,
અણુ-અણુ માંહીં રહ્યાં રે વળગી;
ફૂલ ને ફળ તે તો વૃક્ષનાં જાણવાં,
થડ થકી ડાળ નવ હોય અળગી … જાગીને

વેદ તો એમ વદે, શ્રુતિ-સ્મૃતિ શાખ દે
કનક કુંડલ વિશે ભેદ ન્હોયે;
ઘાટ ઘડિયાં પછી નામરૂપ જૂજવાં
અંતે તો હેમનું હેમ હોયે … જાગીને

જીવ ને શિવ તો આપ ઇચ્છાએ થયા
રચી પ્રપંચ ચૌદ લોક કીધા;
ભણે નરસૈંયો એ ‘તે જ તું’, ‘તે જ તું’
એને સમર્યાંથી કૈં સંત સીધ્યા … જાગીને

---

Jāgīne joun to jagat dīse nahi,
Ūnghamān aṭapaṭā bhog bhāse;
Chitta chaitanya vilās tadrup chhe,
Brahma laṭakān kare brahma pāse … jāgīne

Pancha mahābhūt parabrahma vishe upajyān,
Aṇu-aṇu mānhīn rahyān re vaḷagī;
Fūl ne faḷ te to vṛukṣhanān jāṇavān,
Thaḍ thakī ḍāḷ nav hoya aḷagī … jāgīne

Ved to em vade, shruti-smṛuti shākh de
Kanak kunḍal vishe bhed nhoye;
Ghāṭ ghaḍiyān pachhī nāmarūp jūjavān
Ante to hemanun hem hoye … jāgīne

Jīv ne shiv to āp ichchhāe thayā
Rachī prapancha chaud lok kīdhā;
Bhaṇe narasainyo e ‘te j tun’, ‘te j tun’
Ene samaryānthī kain santa sīdhyā … jāgīne