મીઠા મીઠા, હાં મીઠા મીઠા, નાદ વેણુના દુરથી,
આવી આવીને મારે કાને અથડાય … મીઠા મીઠા

નંદનો કિશોર પેલો, માખણનો ચોર ઘેલો (૨)
ગાયોને ચારવા વનમાં જાય
માથે મુગુટ એને મોરપિચ્છ શોભતું (૨)
ફૂલોના ઝુમખા કાને લહેરાય .. મીઠા મીઠા

મુકી મુકી ઘર કામ સહુ ગોપીઓ (૨),
વૃંદા તે વનમાં દોડી દોડી જાય,
કામ કાજમાં પેલું ચિતડું ન ચોંટતું (૨),
વેણુના નાદમાં મનડું મોહાય …  મીઠા મીઠા

છમ છમા છમ ઘૂઘરીઓ વાગતી (૨),
ઢોલક ને ઝાંઝ સંગ વાગે પખવાજ,
એક તાળી એક તાળી દઈને સહુ નાચતા (૨),
ગોપીને ગોપ આજ ભુલ્યા છે ભાન…  મીઠા મીઠા

પુનમનો ચાંદલીયો  શોભે આકાશમાં (૨),
જોઈ જોઈને કાન કેવા હરખાય,
આસપાસ નાચતી ઘેલી થઇ ગોપીયો (૨),
વચમાં રાધા ને કાન કેવા સોહાય,
દાસ દયા ના સ્વામી શામળીયા (૨)
ગાયોને ચારવા વનમાં જાય…  મીઠા મીઠા

---

Mīṭhā mīṭhā, hāṁ mīṭhā mīṭhā, nāda vēṇunā durathī,
āvī āvīnē mārē kānē athaḍāya… Mīṭhā mīṭhā
nandanō kiśōra pēlō, mākhaṇanō cōra ghēlō (2)
gāyōnē cāravā vanamāṁ jāya
māthē muguṭa ēnē mōrapiccha śōbhatuṁ (2)
phūlōnā jhumakhā kānē lahērāya.. Mīṭhā mīṭhā

mukī mukī ghara kāma sahu gōpī’ō (2),
vr̥ndā tē vanamāṁ dōḍī dōḍī jāya,
kāma kājamāṁ pēluṁ citaḍuṁ na chōṇṭatuṁ (2),
vēṇunā nādamāṁ manaḍuṁ mōhāya… Mīṭhā mīṭhā

chama chamā chama ghūgharī’ō vāgatī (2),
ḍhōlaka nē jhān̄jha saṅga vāgē pakhavāja,
ēka tāḷī ēka tāḷī da’īnē sahu nācatā (2),
gōpīnē gōpa āja bhulyā chē bhāna… Mīṭhā mīṭhā

punamanō cāndalīyō śōbhē ākāśamāṁ (2),
jō’ī jō’īnē kāna kēvā harakhāya,
āsapāsa nācatī ghēlī tha’i gōpīyō (2),
vacamāṁ rādhā nē kāna kēvā sōhāya,
dāsa dayā nā svāmī śāmaḷīyā (2)
gāyōnē cāravā vanamāṁ jāya… Mīṭhā mīṭhā