You are Here: Home » Bhajan » Shri Yamunaji » અમી વરસાવતી આંખલડી
|

અમી વરસાવતી આંખલડી

Ami Varsavti Aankhladine

[Total: 7 Average: 3.4]

અમી વરસાવતી આંખલડી ને આશિષ વરસાવતા કર,
ઝાંઝર ઝમકાવતી ચાલી મહારાણી માં, મળવાને શ્યામસુંદર વર.. અમી વરસાવતી

નવરંગ લહેરિયા ની ચૂંદલડી માં, કંઠે રે કવલ હાર (૨),
કમળ માળા લઇ ચાલી મહારાણીમાં, મળવાને શ્યામસુંદર વર.. અમી વરસાવતી

બાહે બાજુબંધ કરમાં છે કંકણ, કાને ઝુમખાંની જોડ (૨),
અતિ આનંદમા ચાલી મહારાણીમાં, મળવાને શ્યામસુંદર વર.. અમી વરસાવતી

અણવટ વિછિયા  મુગટ છે રૂડા, કેશ કળા સુંદર (૨),
ભક્તોના રુદિયા લઇ ચાલી મહારણીમાં, મળવાને શ્યામસુંદર વર.. અમી વરસાવતી

રત્નજડિત પોંચી રુમઝુમતાં નુપુર, કેડે કંદોરાનો શોર (૨),
મીઠું રે હસતી ચાલી મહારાણીમાં, મળવાને શ્યામસુંદર વર.. અમી વરસાવતી

મધુર ગુણ મળી મધુર બોલતી, પ્રિય સંગ રમતી મધુર (૨),
ભક્તિના દાન દેતી ચાલી મહારાણીમાં,  મળવાને શ્યામસુંદર વર.. અમી વરસાવતી

અમી વરસાવતી છબી પર “નીતા”, તન-મન-ધન નીસાર (૨),
કરુણા કરતી ચાલી મહારાણીમાં, મળવાને શ્યામસુંદર વર.. અમી વરસાવતી



Similar Posts

Leave a Reply

Your email address will not be published. Required fields are marked *